miércoles, 30 de marzo de 2011

APRENDE A FACER UN MAIO E A COMPOR AS TÚAS PROPIAS COPLAS

MAIOS. NATUREZA E CIDADE / Fin de semana/Centros educativos

Data inicio: 11/04/2011 Data fin: 01/05/2011

OBRADOIRO SOBRE A CIDADE E O SEU ACHEGAMENTO Á NATUREZA

APRENDE A FACER UN MAIO E A COMPOR AS TÚAS PROPIAS COPLAS
...

Todos os anos, do 1 de maio, celébrase na cidade de Ourense unha das festas con máis arraigo e máis tradicionais da provincia: a festa dos Maios. Esta festa foi declarada de interese turístico pola Xunta de Galicia e cuxa orixe é a celebración da chegada da primavera.É unha celebración con moito colorido que, normalmente ao chegar acompañada do mes de maio e do bo tempo ,concentra a un gran número de visitantes que se achegan ás rúas máis céntricas da cidade, habitualmente á rúa do Paseo e da Alameda, para ver as distintas construcións que os barrios e asociacións da capital preparan durante os días anteriores.

Os Maios son construcións de flores e froitos, musgo, madeira, con formas moi diversas: cónicas, piramidais, figuracións, etc...

Organízase tamén un concurso para premiar os mellores Maios e complétanse coas tradicionais coplas e cantares que fan alusión aos acontecementos da cidade. Festa dos Maios. Os Maios é o nome dunha festa popular galega que forma parte do chamado ciclo do maio , época de exaltación da natureza ao comezo da primavera. A festa dos maios celébrase a principios de maio, aínda que o ciclo se desenvolve ata o mesmo comezo do verán na noite de san Xoán.A súa orixe está necesariamente vinculada á manipulación da natureza por parte do ser humano; neste sentido, ben pode remontarse ao período magdaleniano, momento en que xorden os primeiros rituais asociados coa recolección, ben ao neolítico, coa consolidación da agricultura e o sedentarismo.A festa coñeceu algunhas materializacións específicas en distintas culturas, asociándose á fecundidade da natureza, como a celta, grega (no culto á deusa Afrodita), a latina (con diversos xogos en honor a Ceres, Tellus, Pales, Elicius e Robigo, e sobre todo as Floralia en honor a Flora, así como a festa en honor a Maia o primeiro de maio), a sueva (co seu culto ao lume) e a cristiá (que se apropia de determinadas festas facéndoas coincidir con celebracións propias, como a festa da Santa Cruz).


XUSTIFICACIÓN: A festa dos Maios é unha festa tradicional en Galicia que celebra a chegada da primavera. En Ourense celbráse o 3 de Maio.A festa consiste en realizar diversas representacións ao redor dunha árbore ou escultura, chamada maio. Grupos de xente cantan coplas populares que tamén reciben a denominación de maios. É costume facer competicións, premiando as mellores esculturas e as mellores cantigas. Os maios consisten nunha armazón de paus ou táboas de forma cónica, recuberto de tea metálica, que se cubre de mofo, fiúncho ou herba. A armazón constrúese sobre unha plataforma que permita transportar o maio polas rúas. Sobre esta estrutura debúxanse distintos motivos con flores, follas, fentos e froitos como materiais máis habituais. O cumio remátase cunha cruz.

DESCRICIÓN: Esta actividade está baseada na elaboración dun maio e composición de coplas para levalas ao concurso o próximo 3 de maio.

OBXECTIVOS: Co fin de coñecer a fondo unha das festas tradicionais que forman parte do noso contorno propoñemos que os asistentes coñezan a tradición dos Maios e todo o proceso de elaboración de estes mentres realizan un propio. Tamén coñecerán distintas cantigas tradicionais e de nova creación e comporán as súas propias.

Lugar: Aula da Natureza do río Miño. Paseo fluvial de Oira s/n

Dirixido a: persoas de todas as idades

Grupo: de 15 persoas

Periodización: do 11 ao 30 de abril do 2011

Horario: de 10:00 a 13:00

Contacto: Luis Herminio Amigo Estrada, Coordinador da Aula da Natureza do río Miño

Teléfono: 988510781 / 988388136 /Fax: 988388159

Correo electrónico: aulanatureza@ourense.es
Ver más

SACRE

SACRE

Data inicio: 15/04/2011 Data fin: 15/04/2011


As poboacións de aves están sometidas a flutuacións constantes debido a
causas naturais e ao impacto das actividades humanas.
SEO/BirdLife desenvolve diferentes programas de seguimento para coñecer o
...estado das poboacións de aves e poder detectar estes cambios. O obxectivo
é obter as tendencias das distintas especies mediante estes programas, así
como realizar censos de todas aquelas que non se cuantificaron de forma
precisa ningunha vez ou que hai tempo que non se fai.
Esta información é básica e fundamental para presentar a estratexia de
conservación máis adecuada en cada caso.
Os programas de seguimento a longo prazo (SACRE, NOCTUA e PASER) e moitos
dos censos específicos realízanse grazas á participación de centos de
voluntarios.

SACRE Primavera
O Seu obxectivo é obter as tendencias poboacións das aves comúns
reprodutoras a través de censos anuais nos mesmos puntos. Realízase coa
participación de voluntariado en toda España entre o 15 de abril e o 15 de
xuño.
Este programa comezou a funcionar no ano 1996 e desde entón foi medrando a
participación e, con iso, a calidade dos resultados obtidos.

SACRE Inverno
Co obxectivo de ampliar a información obtida das poboacións de aves
comúns, SEO/BirdLife pon en marcha o programa SACRE na tempada de inverno.
Desta forma tamén se poderá obter a tendencia de poboación de aves
invernantes.
A tempada 2008-2009 será a primeira na que se realice este programa de
seguimento. Como noutros programas de seguimento a longo prazo, os
resultados que se vaian obtendo serán máis fiables canto maior sexa o
número de participantes e o número de anos de traballo continuado.


Este programa converteuse co paso do tempo nun dos máis importantes e
participativos de cantos desenvolvemos a escala nacional, contando xa
cunha década de traballo que permitiu obter unhas primeiras e interesantes
conclusións.
As peculiaridades de Galicia con relación ao resto do territorio
aconsellan adaptar o esforzo voluntario dos participantes a unha menor
escala, de forma que os seus resultados sexan moito máis útiles de cara á
conservación das aves.

O programa SACRE en Galicia. Falaremos dos obxectivos deste programa de seguimento de aves, da metodoloxía de traballo e dos resultados de cobertura acadados ata o momento. Alexandre Justo é licenciado en Bioloxía pola Universidade de Santiago de Compostela. Actualmente traballa como técnico de avifauna no "Parque Natural de los Alcornocales" na provincia de Cádiz, é vogal da SGO e coordina o programa SACRE en Galicia.

Desde a tempada de 2010 contamos cun novo coordinador rexional do
proxecto. Ademais, se elaboraron fichas adaptadas a Galicia e mapas dos
distintos retículos.
Convidámoste a te sumar, dedicando dúas mañás de cada primavera para
contribuíres na conservación das aves.
Participar é fácil e só require uns coñecementos básicos na identificación
das especies de aves comúns, así como adquirir un compromiso de repetir
estas dúas xornadas matutinas todos os anos.
Desa forma porás un grao de area no importante labor que hoxe en día están
levando a cabo máis de 600 colaboradores voluntarios en todo o territorio
do Estado.

Lugar: Aula da Natureza do río Miño. Paseo fluvial de Oira s/nDirixido: A todo tipo de persoas
Grupos: 20 grupos, non superior a 25 persoas
Temporalización: 15 DE ABRIL
Horario: de 18:00 a 21:00
Duración: 100 MINUTOS
Achegas da Concelleria de Educacion: COA COLABORACION DE SEO/BirdLife
Contacto: Luis Herminio Amigo Estrada, Coordinador da Aula da Natureza do río Miño
Telefono: 988510781 / 988388136
Correo electronico: aulanatureza@ourense.es

Castro de Marce e fervenza de Augacaída

PASEOS DE PRIMAVERA 2011

Castro de Marce e fervenza de Augacaída
Data: 03-04-2011
Localización: Ferreira de Pantón (Lugo)
...Lonxitude e dificultade da ruta: 4.800 m. aprox. (ida e volta ). Dificultade media-baixa, cun treito de 200 m. (optativo) de dificultade alta para baixar á fervenza.
Trátase dunha ruta de ida e volta, sinalizada, que comeza e remata á veira da estrada CP 41-07, uns 200 m. antes do pobo de Marce (Ferreira de Pantón.Lugo)
O camiño de ida non presenta maiores dificultades e ten lixeira pendente descendente polo que á volta teremos que ascender… lixeiramente. Hai un treito de uns 200m.(optativo) de forte descenso que nos achegará á auga que cae pola fervenza. Neste caso non teremos escalerilla como en Vilardevós. Augacaída é máis salvaxe!! Aquí teremos que conformarnos con baixar, en fila india entre pelouros de granito, agarrados a unha “cuerdecilla”. Recomendable calzado resistente e sombreiro en caso de que o tempo sexa soleado ou chova (hai gorros impermeables). Chuvasqueiro ou paraguas se chove. Ambas as dúas cousas se non está claro. De facer moita calor….recomendo bañador.
Distancia desde Ourense: ao inicio do paseo: 40 qm. pola N-120 desviándonos á dereita, dirección Marce, ao chegar ao alto de Guítara.
Características: Iniciaremos o paseo desde a estrada CP 41-07 ( Lon. 7º 42´ 10.79´´ W. Lat. 42º 30´ 54.53´´N. Alt. 410 m. ), a uns 300 m. antes do pobo de Marce. Acabaremos o paseo no mesmo lugar.
O camiño, ancho e en bastante bon estado, discorre en suave descenso entre carballos e outras especies. Pouco antes de chegar ao castro de Marce (Alt. 302 m.) o camiño faise sendeiro e presenta un treito algo peor pero sen complicacións. Compre cruzar dous pequenos regos de auga. O castro atópase arruinado pero pódense apreciar restos dos muros. A altura do lugar sobre o río fai que as vistas do Miño desde este punto sexan únicas.
Visitado o castro retrocederemos polo mesmo camiño até unhas viñas onde comeza a baixada á fervenza de Augacaída. Trátase dun sendeiro que descende entre árbores, suavemente ao principio pero moi intensamente nos últimos 200 m. Neste último treito o piso é de pedras irregulares sobre as que teremos que pisar. Hai unhas cordas suxeitas as árbores para poder agarrarse. A baixada non é perigosa si se fai con precaución e chega ao pé da auga que cae desde unha altura duns 40m. Se algunha persoa non desexa baixar pode agardar no alto ou ir regresando ao punto de inicio.
A volta será polo mesmo camiño da ida e calculo que necesitaremos unhas 2,30h. en total.
Sobre as 13,15h. o bus levaranos xantar a Ferreira de Pantón, pasando pola igrexa rómanica de San Miguel de Eiré, onde faremos unha paradiña para contemplar esta pequena xoia do románico da Ribeira Sacra lucense.
Programa:
- 9,45h: Saída (Parada Bus) Parque de San Lázaro.
- 10,00h: Saída Oira: Aula da Natureza.
- 10,45h: Marce (Ferreira de Pantón). Inicio paseo.
- 13,15h: Marce (Ferreira de Pantón). Final paseo. Bus.
- 13,30h: Pequena parada en San Miguel de Eiré (Ferreira de Pantón).
- 14,00h: Xantar en Ferreira de Pantón (1)
- 16,15h: Regreso a Ourense.
- 17,00h: Chegada a Ourense.

Outros datos:
Se desexades máis información podedes visitar os seguintes enlaces:
http://www.concellodepanton.com/rutas_augacaida.php
http://www.concellodepanton.com/iglesias_sanmigueleire.php
http://supraventur.mforos.com/1644708/8940404-cascada-de-augacaida-fervenza-de-augacaida/

martes, 29 de marzo de 2011

Asociación Drosera

Asociación Drosera

Naturaleza y Medio Ambiente


La Asociación Drosera lleva a cabo el inventario de especies y refugios de quirópteros, comúnmente llamados murciélagos, del Parque Natural Fragas do Eume, A Coruña. Este proyecto nace con la finalidad de dotar los espacios naturales protegidos de Galicia de información y herramientas útiles para la conservación de las poblaciones de murciélagos.

Para Roberto Hermida, coordinador del proyecto, “el Parque Nacional Fragas do Eume acoge una de las mejores formaciones de bosque atlántico en la península ibérica, que alberga numerosas e importantes especies ligadas a bosques caducifolios bien conservados”. El murciélago, centro de la actividad de la Asociación Drosera, es una de las especies que habita en estos bosques. La asociación ha contado con financiación de Triodos Bank como adelanto de las subvenciones que recibe.

http://www.morcegosdegalicia.org

martes, 15 de marzo de 2011

XLVII Curso de Saúde Ambiental

congreso provincial de medio ambiente
XLVII Curso de Saúde Ambiental
Ourense, 4-8 abril 2011
Patrocinadores oficiais
Colabora na organización (sede anfitrioa)
Prof. Dr. Francisco Peña
Director
programa galego municipios saudables e sostibles 2000-2012

Presentación
“O medio ambiente como xerador de actividades capaces de producir emprego, saúde e benestar á población”.
Cada día ten maior importancia o coñecemento do medio ambiente dunha comunidade, xa que é un condicionante do seu
benestar social, sanitario e económico. A industrialización e a urbanización modificaron o medio ambiente dando orixe a
problemas ambientais de primeira orde (o efecto invernadoiro e o cambio climático, a destrución da capa de ozono estratosférica,
o transporte de contaminantes, a desertización, etc.) que é preciso corrixir, así como evitar que as actividades futuras orixinen
máis deterioracións no noso contorno a través dunha política preventiva que permita un desenvolvemento sostido e equilibrado
e teña como obxectivos a protección da saúde do home e a conservación de todos os recursos (aire, auga, solo, clima, especies
de flora e fauna, alimentos, materias primas, hábitat, patrimonio natural e cultural) que condicionan e sustentan a vida. As
interrelacións entre os diversos recursos e a súa xestión fan cada vez máis necesaria a posta en marcha de estratexias globais,
entre as que ocupa un papel fundamental o principio de prevención, xa que máis vale previr que curar.
A forte conexión entre medio ambiente e saúde recoñeceuse expresamente na 3ª Conferencia Ministerial do Medio Ambiente e a Saúde
(Londres, 1999). O Cume da Terra de Río de Janeiro (1992) e a Conferencia de NNUU sobre Medio Ambiente e Desesenvolvemento
de Johannesburgo (2002), acuñaron a idea de desenvolvemento sostible, que expresa a imposibilidade dun desenvolvemento sen
contar co medio ambiente (a protección do medio ambiente e o desenvolvemento económico e social son tres piares inseparables do
desenvolvemento sostible). Para acadar os obxectivos do VI Programa Comunitario de Acción en materia de medio ambiente para
2001-2010, ademais da consideración das disposicións lexislativas vixentes e de aspectos tecnolóxicos inclúense actuacións tales
como o aumento de diálogo coa empresa, fomento de acordos voluntarios, participación da opinión pública, acceso á información
ambiental, etc. A empresa ten unha especial responsabilidade diante do medio ambiente ao ser consumidora de recursos, ademais
de fonte de emisións e residuos; pero tamén é orixe de coñecementos científicos e tecnolóxicos, así como de positivos impactos
socioeconómicos; o cal levou a moitas empresas a integrar a política ambiental nas estratexias corporativas adoptando criterios de
protección do contorno na planificación de actividades e toma de decisións, o que implica tamén ás asociacións empresariais, xa que
a protección do medio ambiente na empresa constitúe unha responsabilidade corporativa.
A Oficina Rexional para Europa da OMS, baseándose nas iniciativas de Cidades Saudables, e tendo en conta as experiencias dos
plans de sanidade ambiental locais e os programas da Axenda 21 existentes nalgúns países europeos, decidiu apoiar as entidades
locais e rexionais para acadar os obxectivos do desenvolvemento sostible, para o cal é necesario impulsar a posta en marcha de
medidas de planificación e control do medio ambiente relacionadas cos aspectos sanitarios, xa que para resolver os problemas do
medio ambiente, a saúde e o desenvolvemento sostible, é preciso chegar a un acordo e emprender accións non só a nivel nacional
e internacional senón tamén a nivel subnacional e local.
Na liña das políticas da OMS de propoñer ambientes saudables, e coa esperanza de concienciar aos concellos galegos de asumir
esta filosofía na xestión dos aspectos ambientais da saúde e así poder contribuír ao desenvolvemento sostible de Galicia e
mellorar as condicións de vida dos cidadáns, púxose en marcha en Galicia no ano 2000, o Programa Galego Municipios
Saudables e Sostibles 2000-2012, que contou cos parabéns do coordinador do proxecto “Healthy Cities” da Oficina Rexional
para Europa da OMS. Esta iniciativa itinerante pioneira en España, leva consigo:
- Un primeiro nivel de actuación: de formación e reciclaxe de técnicos en medio ambiente e saúde, e foro de debate de todos
os axentes sociais implicados na tarefa de protexer e conservar o medio ambiente.
- Un segundo nivel de actuación: de participación cidadá, peza clave na posta en marcha de calquera programa de actuación.
- Unha recomendación: que os concellos, comarcas e mancomunidades de Galicia, coa axuda e o apoio da Administración,
adquiran o compromiso de adhesión á Carta de Aalborg e inicien e impulsen a posta en marcha e o desenvolvemento da
Axenda 21 Local.
A posta en marcha en Galicia deste Programa, co apoio da OMS, auspiciado pola SESA e baixo o mecenado de Nova Caixa
Galicia, Xunta de Galicia, Fegamp, Sogama, Iberdrola e Aquagest, no seu periplo itinerante por toda a xeografía galega o longo
de 11 anos, contou coa participación de 244 concellos (241 galegos, 2 leoneses e 1 asturiano) e 5 entidades locais e rexionais
portuguesas, e 4.433 asistentes nas 46 edicións de Cursos de Saúde Ambiental realizados. Precisamente co fin de abordar e
debater algúns dos problemas ambientais prioritarios que ten a provincia de Ourense, organízase o XLVII Curso de Saúde
Ambiental – Congreso Provincial de Medio Ambiente, que deseñado de acordo cos principios da Carta Europea sobre Medio
Ambiente e Saúde, e a Carta de Aalborg cara á sostibilidade, e dirixido a todos aqueles que traballan ou están interesados no
medio ambiente e na saúde, pretende converterse en foro de debate e estudo da situación ambiental da provincia de Ourense,
ademais de punto de encontro de ambientalistas, e referencia ambiental de Galicia durante esa semana, co obxectivo de contribuír
a sentar as bases do desenvolvemento sostible cara ao futuro da nosa terra.
Finalmente, destacar a necesidade de unir esforzos por parte de responsables políticos, empresarios, científicos, educadores,
profesionais, comunicadores, ecoloxistas, así como a participación activa dos cidadáns, en prol de conseguir un medio ambiente
saudable e sostible para tod@s @s galeg@s, mellor legado para xeracións vindeiras.
Prof. Dr. Francisco José Peña Castiñeira
FUNDADOR RESPONSABLE PROGRAMA GALEGO MUNICIPIOS SAUDABLES E SOSTIBLES 2000-2012
Programa
LUNs, 4 de Abril
16:00 h.: ACREDITACIÓN E ENTREGA DA DOCUMENTACIÓN.
16:30 h.: ACTO INAUGURAL, a cargo de D. José Luis Baltar Pumar, presidente da Excma. Deputación de Ourense; D. Agustín
Hernández Fernández de Rojas, conselleiro de Medio Ambiente, Territorio e Infraestruturas da Xunta de Galicia; D. Carlos
Antonio Fernández Castro, presidente da FEGAMP-Federación Galega de Municipios e Provincias; D. Francisco Rodríguez
Fernández, alcalde-presidente do Concello de Ourense; D.ª María Lameiras Fernández, vicerreitora do Campus de Ourense-
Universidade de Vigo; D. Francisco Fernández Liñares, presidente da Confederación Hidrográfica del Miño-Sil do Ministerio
de Medio Ambiente y Medio Rural y Marino.
17:00 h.: I SESIÓN PLENARIA: “A xestión sustentable dos recursos naturais como factor de desenvolvemento
socioeconómico e de benestar social da provincia de Ourense”
PRESIDENTA: D.ª MARÍA LAMEIRAS FERNÁNDEZ
Vicerreitora do Campus de Ourense-Universidade de Vigo.
RELATORES:
- “Posta en valor do patrimonio natural da provincia de Ourense co especial referencia aos parques naturais”
D.ª BELÉN BRIS MARINO
Xefa do Servizo de Conservación de Espazos Naturais da Dirección Xeral de Conservación da Natureza da Consellería do
Medio Rural da Xunta de Galicia.
- “O termalismo ourensán como fonte de saúde: ¿estamos no bo camiño?”
PROF. DR. D. LUIS RODRÍGUEZ MIGUEZ
Ex-profesor e 1ª medalla de ouro da Facultade de Ciencias do Campus de Ourense da Universidade de Vigo. Académico
numerario da Real Academia de Medicina e Cirurxía de Galicia.
- “Os recursos termais como factor de desenvolvemento económico e social da provincia de Ourense”
PROF. DR. D. JOSÉ ANTONIO FRAIZ BREA
Profesor titular da Área de Comercialización e Investigación de Mercados da Facultade de Ciencias Empresariais e Turismo
da Universidade de Vigo. Coordinador do Máster Oficial Interuniversitario de Dirección e Planificación do Turismo.
- “A industria enolóxica e o medio ambiente na provincia de Ourense”
D. JOSÉ MANUEL RODRÍGUEZ GONZÁLEZ
Presidente do Consello Regulador da Denominación de Orixe Ribeira Sacra. Vicepresidente da Conferencia Española de
Consejos Reguladores.
- “Posta en valor da provincia de Ourense como destino turístico”
D. JOSÉ MANUEL RODRÍGUEZ GONZÁLEZ
Xerente do INORDE.
MARTES, 5 de Abril
12:00 h.: Roteiro turístico-termal polo casco vello da cidade de Ourense e ribeiras do río Miño, organizado e guiado polo
Concello de Ourense.
16:30 h.: II SESIÓN PLENARIA: “Modelo enerxético sustentable e cambio climático”
PRESIDENTE: PROF. DR. D. LUIS ESPADA RECAREY
Ex-reitor e catedrático de Enxeñaría Química da Escola Técnica Superior de Enxeñeiros Industriais da
Universidade de Vigo. Valedor do Cidadán de Vigo.
RELATORES:
- “A calidade do aire en Galicia: sistema de vixilancia e control de emisións”
D.ª M.ª LUZ MACHO EIRAS
Directora do Laboratorio de Medio Ambiente de Galicia.
- “Política enerxética sustentable”
D. MIGUEL F. CALLEJA MEDIANO
Responsable de Regulación de Iberdrola nas Comunidades Autónomas.
- “A hulla de carbono: aplicación práctica”
D. ÁNGEL LAGARES DÍAZ
Subdirector de Medio Ambiente de Gas Natural Fenosa.
- “Posta en valor das enerxías alternativas nun escenario de cambio climático”
D. VICENTE PÉREZ MUÑUZURI
Subdirector xeral de Investigación, Cambio Climático e Información Ambiental da Secretaría Xeral de Calidade e Avaliación
Ambiental da Consellería de Medio Ambiente, Territorio e Infraestruturas da Xunta de Galicia.
mércores, 6 de Abril
10:30 h.: Presentación dos modelos tipo de ordenanza municipal de eficiencia enerxética nas edificacións, promovida pola
Deputación de Ourense (proxecto Retaler, confinanciado cun 75% de Fondos Feder da Unión Europea).
11:30 h.: SESIÓN DE COMUNICACIÓNS TÉCNICAS DE RESIDUOS:
PRESIDENTE: D. JAVIER BOBE VÁZQUEZ
Xefe do Servizo de Augas e Medio Ambiente da Área de Infraestruturas da Deputación de Ourense.
RELATORES:
11:30 h.: “Contribución de Sogama á sostibilidade”
D.ª MARÍA ESTHER CAMPOS MOSQUERA
Responsable de Comunicación e Prensa de Sogama.
12:30 h.: “Valorización de residuos orgánicos biodegradables”
D.ª JOSEFA DE LEÓN BLANCO
Delegada do Grupo Agroamb-Delegación Sur.
13:00 h.: “Relevancia da valorización dos RCD´s nunha construción sostible e xestión dos residuos non perigosos na
Comunidade Autónoma de Galicia”
D.ª ELVIRA CAMARERO PÉREZ
Directora comercial do Grupo GESTÁN.
13:30 h.: “Estratexia de xestión dos residuos de alta actividade en España: o almacén temporal centralizado como unha
solución necesaria”
D.ª SILVIA RUEDA SÁNCHEZ
Técnica do Departamento de Formación de ENRESA.
16:30 h.: III SESIÓN PLENARIA: “Novos retos na xestión dos residuos en Galicia: complementariedade de procedementos,
converter os residuos nun recurso”
PRESIDENTE: D. BENITO GARCÍA CARRIL
Director de Galicia Ambiental-Grupo Correo Gallego. Periodista especializado en información ambiental.
Membro da Asociación de Periodistas de Información Ambiental de España (APIA).
RELATORES:
- “Plan de xestión de residuos urbanos de Galicia 2010-2020”
D.ª MARÍA JOSÉ ECHEVARRÍA MORENO
Subdirectora xeral de Coordinación Ambiental da Secretaría Xeral de Calidade e Avaliación Ambiental da Consellería de
Medio Ambiente, Territorio e Infraestruturas da Xunta de Galicia.
- “Valorización enerxética dos residuos urbanos”
D. FRANCISCO SILVA CASTAÑO
Director xeral de Sogama.
- “Tipos de tratamento dos residuos urbanos”
D. Juan José González Valejo
FCC Servicios Ciudadanos.
- “Diferentes modelos de tratamento para os residuos orgánicos”
D. LUIS PINARDEL ESTOPIÑAN
Director comercial de Desarrollo de Tradebe España.
xoves, 7 de Abril
10:00-14:00 h.: Viaxe en catamarán pola Ribeira Sacra e canóns do Sil.
16:30 h.: IV SESIÓN PLENARIA: “A xestión das augas na provincia de Ourense ante o reto da DMA e a nova Lei de Augas”
PRESIDENTE: PROF. DR. D. XOÁN CARLOS MEJUTO FERNÁNDEZ
Catedrático de Química Física da Facultade de Ciencias do Campus de Ourense-Universidade de Vigo.
RELATORES:
- “Confederación Hidrográfica del Miño-Sil: estado actual da conca e a nova planificación hidrolóxica 2010-2015”
D. XOÁN NÓVOA RODRÍGUEZ
Comisario de Augas da Confederación Hidrográfica del Miño-Sil do Ministerio de Medio Ambiente y Medio Rural y Marino.
D. JOSÉ ÁLVAREZ DÍAZ
Xefe da Oficina de Planificación Hidrológica da Confederación Hidrográfica del Miño-Sil do Ministerio de Medio Ambiente
y Medio Rural y Marino.
- “Actuacións de Augas de Galicia na provincia de Ourense”
PROF. D. FRANCISCO ALONSO FERNÁNDEZ
Xefe do Servizo Territorial da Zona Galicia Sur de Augas de Galicia da Consellería de Medio Ambiente, Territorio e
Infraestruturas da Xunta de Galicia. Profesor da Universidade de Vigo.
- “Plan de vixilancia e control de vertidos industriais ás redes de sumidoiros municipais”
D. JOSÉ MARÍA OURO LÓPEZ
Xefe de Produción de Aquaourense.
- “Tratamento de lodos procedentes de fosas sépticas a través de plantas depuradoras compactas”
D.ª INMACULADA RIAL SÁNCHEZ
Técnica de Desenvolvemento de Negocio de SMA-Soluciones Medioambientales y Aguas, S.A.
venres, 8 de Abril
10:00 h.: V SESIÓN PLENARIA: “Contribución das empresas, dos centros educativos e das entidades locais ao
desenvolvemento sustentable da provincia de Ourense”
PRESIDENTE: D. JUAN JOSÉ LIRÓN LAGO
Secretario de Galicia-Norte de Portugal da Agrupación Europea de Cooperación Territorial (GNP-AECT).
RELATORES:
- “As certificacións ambientais na provincia de Ourense”
D.ª PAULA RODRÍGUEZ CARBALLO
Auditora xefa de AENOR-Delegación Galicia.
- “Implantación do Grao de Ciencias Ambientais no Campus de Ourense”.
PROF. DR. D. PEDRO ARAÚJO NESPEREIRA
Decano da Facultade de Ciencias da Universidade de Vigo-Campus de Ourense.
- “A implantación da Axenda 21 Local na provincia de Ourense”
D.ª MARÍA VICTORIA ESCUREDO MERINO
Xerente de Desarrollo de Negocio de Novotec Galicia.
- “Proxecto Red Genera”
D. Celso Manuel Barbosa Rodríguez
Presidente da Cámara de Comercio e Industria de Ourense.
- “A educación ambiental no ámbito escolar”
PROF. DR. D. PEDRO MEMBIELA IGLESIAS
Profesor da Área de Didáctica das Ciencias Experimentais da Facultade de Ciencias da Educación do Campus de
Ourense-Universidade de Vigo.
- “A xestión forestal sustentable: unha oportunidade para o monte ourensán”
D. TOMÁS FERNÁNDEZ-COUTO JUANAS
Director xeral de Montes da Consellería do Medio Rural da Xunta de Galicia.
13:00 h.: ACTO DE CLAUSURA E ENTREGA DE DIPLOMAS ACREDITATIVOS, a cargo de D. José Luis Baltar Pumar,
presidente da Excma. Deputación de Ourense; D. Justo de Benito Basanta, secretario xeral de Calidade e Avaliación Ambiental
da Consellería de Medio Ambiente, Territorio e Infraestruturas da Xunta de Galicia; D. Tomás Fernández-Couto Juanas,
director xeral de Montes da Consellería do Medio Rural da Xunta de Galicia; D. Luis Lamas Novo, presidente de Sogama; D.
Henry Laiño López, director territorial de Aquagest en Galicia; D. Francisco Caamaño Martínez, delegado de Iberdrola en
Galicia; representante de Novacaixagalicia.
Información xeral
OBXECTIVOS
• Integración da dimensión dos aspectos ambientais da saúde na formación e reciclaxe de técnicos en medio ambiente e
saúde, coa finalidade de actualizar a súa formación e adecuar as esixencias que demanda a sociedade actual, para que
• contribúa a mellorar a xestión e as condicións de vida urbana dos cidadáns.
• Establecer un foro de debate e estudo da situación ambiental da provincia de Ourense, dos seus problemas e carencias que
se consideran máis importantes, así como das posibles solucións que se deberán adoptar; ademais de permitir a cooperación
e o diálogo entre todos os axentes sociais implicados no tema, fomentando a creación de núcleos de sostibilidade.
DESTINATARI@S
• Técnic@s, funcionari@s e responsables políticos da Administración local, provincial e autonómica, que desenvolvan a
súa actividade ou estean relacionados/interesados nas áreas obxecto de estudo.
• Profesorado da universidade, de ensino secundario e formación profesional que desenvolva a súa actividade ou estea
relacionado/interesado nas áreas obxecto de estudo.
• Técnic@s e xestores de empresas que desenvolvan a súa actividade nos departamentos de calidade, medio ambiente e
prevención de riscos laborais.
• Profesionais libres, titulados superiores e diplomados, técnicos superiores e de grao medio que desenvolvan a súa
actividade ou estean relacionados/interesados nas áreas obxecto de estudo.
• Estudantes universitarios e dos ciclos formativos de formación profesional relacionados/interesados nas áreas obxecto
de estudo (saúde ambiental, química ambiental, xestión e organización dos recursos naturais e paisaxísticos, traballos
forestais e de conservación do medio natural, etc.).
METODOLOXÍA
• 5 sesións plenarias, 1 sesión de comunicacións técnicas de residuos e visitas prácticas, configuran a estrutura do curso/
congreso, no que os relatores farán unha exposición sintética de carácter técnico acompañadas de casos prácticos e co
apoio de medios audiovisuais (power point), cun debate ao remate de cada sesión, no que tamén intervirán activamente
os participantes amosando as súas experiencias.
NÚMERO DE PRAZAS E DEREITOS DE INSCRICIÓN
• Número de prazas: 100, que se cubrirán por rigorosa orde de inscrición.
• Cota de inscrición: 30 €.
• Becas: 50 becas (inscrición gratuíta), que se cubrirán por rigorosa orde de inscrición, destinadas a todos aqueles que acrediten
algunha das seguintes condicións:
a/ Estudantes universitarios e dos ciclos educativos de formación profesional de carácter ambiental.
b/ Técnicos, funcionarios e responsables políticos dos concellos da provincia de Ourense.
c/ Empresarios, profesionais e técnicos de calidade, medio ambiente e prevención de riscos laborais de empresas adscritas
á Cámara de Ourense (10 becas).
d/ Representantes de asociacións sen ánimo de lucro.
e/ Parados.
• Forma de pagamento: o aboamento efectuarase mediante transferencia bancaria a Caixa Galicia, nº de conta:
2091 – 0372 – 48 – 3040011862, especificando o nome e apelidos da persoa inscrita.
• Forma de inscrición: cubrir o boletín de inscrición, que deberá achegar co xustificante do pagamento, e presentarase/
enviarase por correo electrónico/fax á Secretaría Técnica. O prazo para formalizar a inscrición abrirase o xoves día 17 de
marzo, fixándose a data límite para formalizala o xoves día 31 de marzo, ás 14:00 horas.
DOCUMENTACIÓN
• Entregarase unha carpeta coa publicación do Libro de relatorios e material didáctico diverso.
DIPLOMA ACREDITATIVO E CRÉDITOS DE LIBRE CONFIGURACIÓN (*)
• O alumnado que participe con regularidade nas sesións programadas do curso/congreso, que consta de 30 horas lectivas,
recibirá un diploma acreditativo de asistencia.
• A Universidade de Vigo concederá 2 créditos de libre configuración ao alumnado matriculado nesa Universidade que
asista ao curso/congreso (en tramitación).
SEDE, DATAS E HORARIO
• Sede: Salón de Actos do Centro Cultural da Deputación de Ourense (Rúa Progreso, nº 30 - 32003 Ourense).
• Datas: do 4 ao 8 de abril de 2011.
• Horario: de 16:30 a 20:30 horas (de luns a xoves) e de 10:00 a 14:00 horas o mércores ee o venres. O martes de 12:00 a 14:00
horas e o xoves, de 10:00 a 14:00 horas, terán lugar unhas visitas prácticas (opcionais).

domingo, 13 de marzo de 2011

Ave del Año 2011

Ave del Año 2011




Por primera vez SEO/BirdLife ha elegido una rapaz nocturna como Ave del Año. El mochuelo europeo se convierte así en la especie protagonista de este año para llamar la atención sobre su estado de conservación, las amenazas que presenta y cómo todos podemos contribuir a mejorar sus poblaciones.


En esta ocasión el mochuelo reclama las miradas de todos, pero especialmente del mundo rural, puesto que su declive, más de un 40% en la última década en España, está ocasionado principalmente por los cambios en la agricultura. En la actualidad se estima que hay alrededor de 50.000 mochuelos en nuestro país.

Durante muchos años el mochuelo se ha beneficiado de las actividades humanas en el sector agrícola y gracias a ello sus poblaciones aumentaron considerablemente. Paralelamente el mochuelo fue y es uno de los mejores aliados del agricultor, ya que combate las plagas de roedores y langostas de forma natural y sin el coste que conlleva la utilización de productos químicos.

miércoles, 9 de marzo de 2011

La NASA advierte que los polos se están deshaciendo más rápido de lo previsto

MEDIO AMBIENTE
La NASA advierte que los polos se están deshaciendo más rápido de lo previsto
Este dehielo repercutirá en una subida global del nivel del mar.

Autor: EFE
Fecha de publicación: 9/3/2011

Las capas de hielo de Groenlandia y la Antártida están perdiendo su masa a un ritmo más acelerado de las predicciones hechas hasta ahora, lo que repercutirá en una subida global del nivel del mar, según un estudio difundido hoy por la NASA.
Los resultados del estudio sugieren que las capas de hielo se están deshaciendo más rápido que los glaciares de las montañas.
Como ejemplo en 2006, los polos perdieron una masa combinada de 475 gigatoneladas al año en promedio, una cantidad suficiente para elevar el nivel global del mar en un promedio de 1,3 milímetros al año frente a las 402 gigatoneladas que perdieron de promedio los glaciares de la montaña.
LA NASA ha analizado datos de sus satélites entre 1992 y 2009 y ha descubierto que cada año durante el curso del estudio, las capas de hielo de los casquetes polares perdieron un promedio combinado de 36,3 gigatoneladas más que el año anterior.
«Que las capas de hielo serán la principal causa del aumento del nivel del mar en el futuro no es sorprendente, ya que poseen una masa de hielo mucho mayor que los glaciares de montaña», señaló el autor del estudio, Eric Rignot, de la Universidad de California.
«Lo sorprendente es que esta mayor contribución de las capas de hielo ya está sucediendo», advirtió el científico que llevó a cabo la investigación con la colaboración del Laboratorio de Propulsión a Chorro (JPL) de la NASA.
Las mediciones realizadas indican que «si continúan las tendencias actuales, es probable que el aumento del nivel del mar sea significativamente

martes, 8 de marzo de 2011

PASEO DE PRIMAVERA. Fin de semana/Celebración do día da árbore(20) e día da auga(22)

PASEO DE PRIMAVERA / Fin de semana/Celebración do día da árbore(20) e día da auga(22)

A Asemblea Xeral das Nacións Unidas aprobou en 2006 a resolución pola que se declaraba 2011 Ano Internacional dos Bosques, co obxectivo de concienciar á opinión pública de que os bosques son esenciais para a sustentabilidade do planeta debido aos beneficios económicos, socioculturais e ambientais que proporcionan.

Paseos de primavera 2011...
A finalidade da actividade é educativo-cultural. Constará na realizacíon a pé de tres rutas previamante seleccionadas. Na elección teranse en conta factores ambientales, paixasísticos e culturais. Tamén se terá en conta que o percorrido das rutas sexa o máis asequble posible para os participantes. Os paseos serán realizadas de xeito tranquilo e relaxado procurando que os participantes disfruten do entorno e se identifiquen con el

Obxetivos:
•Achegar as persoas participantes aso coñecemento e disfute do entorno natural, paisaxístico e cultural de distintos lugares da provincia
•Fomentar hábitos e comportamientos respetuoso co entorno
•Fevorecer relacións de amizade e camaradería entre os participantes.

Programa:
27 de marzo: Ruta dos Contrabandistas (Vilardebós. Ourense)
3 de abril: Castro de Marce e Augacaída (Ferreira de Pantón. Lugo)
10 de abril: Corga da Fecha (Lobios. Ourense)


Os tres paseos teñen un denominador común: a auga.
Nengún dos paseos supera os 6 km de percorrido.
A dificultade do primeiro e baixa. Os outros dous teñen un treito de alta dificultade que será opcional para os participantes.
Os tres paseos teñen un alto interés paisaxístico e natural.
O xantar encargarase nalgún restaurante das zonas visitadas e correrá por conta dos participantes.
Temporalización: As saídas e chegadas desde o Parque de S. Lazaro e Aula da Natureza do río Miño.
Horarios aprox. :
•Saída: 10,00h.
•Regreso: 17,30h.
Distinatarios: Preferentemente persoas maiores de idade, amantes da natureza, arte, cultura e aficionados a fotografia(maximo 24 persoas)
(Dependendo das condicións atmosféricas pode haber cambios nas rutas programadas.)
Lugar: Aula da Natureza do río Miño. Paseo fluvial de Oira s/n
Dirixido: A persoas de todas as idades
Periodización: 27 de marzo,3 de abril,10 de abril do 2011
Horario: de 10:00 a 18:00

Achegas da Concellería de Educación: ESTA ACTIVIDADE ESTA REALIZADA EN CONXUNTO COA CONCELLERIA DE MEDIO AMBIENTE POLA CELEBRACIÓN DO DÍA DO ÁRBORE E DA AUGA
Contacto: Luis Herminio Amigo Estrada, Coordinador da Aula da Natureza do río Miño
Teléfono: 988510781 / 988388136
Correo electrónico: aulanatureza@ourense.es

domingo, 6 de marzo de 2011

ACTIVIDADES FORMATIVAS EN AS CORCERIZAS-PRIMAVERA 2011

ACTIVIDADES FORMATIVAS EN AS CORCERIZAS-PRIMAVERA 2011


Desde Amigos da Terra adiantámosvos o programa de cursos e outras accións formativas que levaremos a cabo nesta primavera. Cada curso será posteriormente convocado e detallado coa información precisa.

2-3 de abril Comunicación e Cooperación ao Desenvolvemento
8-10 de abril Seminario Estatal Cambio Climático e Biodiversidade
15-17 abril A Educación Artística como Recurso Comunicativo e de Participación
7-8 y 14-15 de maio Aplicación da Interpretación do Patrimonio como Estratexia de Comunicación e Instrumento de Xestión
28-29 de maio Bioconstrución: Monográfico sobre Barro
4-5 de xuño Recursos prácticos de Educación Ambiental no Tempo Libre
12 de xuño Rastros de Fauna: Monográfico sobre Reptís

Reserva datas e apúntate canto antes!

Máis información dos Cursos de Amigos da Terra nesta primavera.


Paula Vidal
Persoal Técnico Ambiental As Corcerizas
Amigos da Terra Galicia - Membro de Friends of the Earth Internationa
Rúa Policarpo Sanz, 17 - 1º D. Vigo
Tel. [+34] 986 125 171
info@ascorcerizas.com - paula.vidal@amigosdaterra.net
www.amigosdaterra.net

As Corcerizas - Centro de Educación Ambiental
d/. Pista forestal Arnuide - San Mamede Km.10 - 32705 Vilar de Barrio. Ourense
Tel. [+34] 988 302 403
www.ascorcerizas.com

jueves, 3 de marzo de 2011

COÑECE A AULA DA NATUREZA DO RIO MIÑO / Colexios.

COÑECE A AULA DA NATUREZA DO RIO MIÑO / Colexios.

Data inicio: 01/03/2011 Data fin: 09/05/2010

É importante concienciar á xente da importancia da conservación do medio e da directa implicación deste na nosa vida e saúde como parte integrante que somos del. O concepto básico empregado na procura deste obxectivo é o Desenvolvemento Sostible, presente en todas as actividades. Coñecer, gozar e defender o noso ambiente máis próximo son as liñas xerais que traballamos a través das distintas actividades realizadas.
A Aula da Natureza, situada no paseo fluvial de Oira, ofrece visitas guiadas onde, mediante paneis e diverso material informativo como maquetas e expositores, a xente que veña por aquí familiarízase co río Miño e co bosque de ribeira: aspectos naturais, patrimoniais, culturais e históricos relacionados co río ao seu paso pola nosa cidade. A estas actividades poden asistir persoas de todas as idades tendo en conta que as explicacións se adaptarán aos diferentes niveis educativos dos participantes.
Nas actividades cos escolares, o alumnas/o dividido en grupos realiza xogos (dentro e fóra) e itinerarios ambientais, dependendo das necesidades e/ou desexos dos participantes, así como das condicións meteorolóxicas.

Obxectivos:
1-Coñecer, gozar e defender o noso contorno natural: flora, fauna e aspectos culturais e históricos relacionados co medio, estendendo as posibilidades de uso ás actividades cotiás.
2-Gozar do contorno e comprender a oferta lúdica que representa, ademais de fomentar o respecto mutuo e a convivencia no desenvolvemento das actividades.
3-Posibilitar un comportamento cotián acorde coa postura de defensa e recuperación do equilibrio ecolóxico e da conservación do patrimonio natural e cultural.
4-Coñecer a importancia da auga para a vida, a saúde e o desenvolvemento.
5-Tomar conciencia do valor do noso e a importancia da súa conservación a favor do desenvolvemento sostible.
6-Descubrir a influencia do medio na saúde, entendida no seu concepto máis moderno e amplo como ”Estado de benestar físico, psíquico e social” segundo a OMS.

PRESENTACIÓN DA AULA
Esta é a Aula da Natureza do río Miño no seu curso medio ao seu paso pola cidade de Ourense.
O río Miño é o río máis grande de Galicia, é moi caudaloso e baña unha grande superficie do territorio galego. (Sáibase que nace na serra de Meira, no Pedregal de Irimia. O tramo de percorrido pola Terra Chá ata Lugo foi declarado pola UNESCO Reserva da Biosfera, en Ourense acomodase a unha depresión).
A auga do río, sen auga non hai vida. Proporciona auga aos seres vivos entre eles ao home. Bosque de ribeira, animais, non poderían vivir sen o rio. Biodiversidade.
Enerxía (eléctrica-mecánica): centrais hidroeléctricas, muíños (aceas).
Augas termais. En Ourense o Miño pasa por unha fosa tectónica por onde emerxen estas augas.
Ocio: nadar, navegar, pescar, pasear ou facer deporte nas ribeiras, etc. Debe ser sempre respectuoso co medio ambiente e procurar deixar todo POLO MENOS como estaba antes.
Todo aquilo que tiramos ao chan acaba chegando aos ríos e aos mares, hai que ser más coidadosos porque necesitamos a auga, o chan, os animais e as plantas para vivir.

DIVISIÓN.
Todas as visitas de escolares van superar en moito a cifra ideal de grupo para realizar esta visita a Aula debido as dimensións desta e a distribución dos paneis.
Dividiranse estes grupos en dous que alternarán as actividades.

INTERIOR DA AULA.
Este grupo divídese á súa vez en dous pero antes explícaselles a organización dos paneis na aula.
Contido da Aula e a súa organización, Transparencias? (5-10 minutos).
Na planta baixa (unha maqueta do río ao seu paso pola cidade de Ourense e 6 paneis).
Río Miño. Do nacemento á desembocadura.
- A agua no mundo.
- A agua que consumimos.
- Importancia do río – biodiversidade, espazos naturais, cultura.
- Importancia do río – paisaxe, terrazas fluviais, coiñais.
- Importancia do río – paisaxes de Galicia.
Na planta de arriba (unha maqueta dunha acea -muíño de Ourense- e 8 paneis).
Dereita.
• 2 paneis de plantas e bosque de ribeira.
• 2 paneis de animais: un de insectos e moluscos (invertebrados) e outro de anfibios, réptiles, peixes, aves e mamíferos (vertebrados).
Esquerda.
• Muíños.
• Pontes de Ourense.
• Augas termais.
• Usos tradicionais do río.
Maqueta do muíño.
Se sobran máis de 30 minutos para que finalice a sesión no interior, antes de xogar suxíreselles que boten unha ollada aos paneis.
Xogo de averiguar respostas (30 minutos).
Pode ser a Oca ou simplemente repartir o mesmo número de preguntas a cada grupo e ver quen as acerta correctamente, antes e en maior número.
Se por azar, se alcanza a meta antes de tempo ou de ter feito moitas preguntas e respostas, xógase outra vez.
Preguntar antes da despedida algo sobre o que lles pareceu a visita.
Ver fichas para recoñecer outros animais que poidan aparecer no itinerario (paxaros, lagartixas).
Facer máis preguntas OCA.
Facer preguntas, xogo conclusión do itinerario.
Transparencias?
Material.
Fichas roda de animais.
Panos do concello e outros obxectos para sinalar no xogo da roda de animais.
Prismáticos.
Cámara?, paraugas por se alguén non o leva.
Panel (papel ou cartón). Oca – pegar – fichas – dado – reloxo de area ou cronómetro.
Parada. Coiñal. Muíño. Potables.
Coiñal. Formado por coios (cantos rodados), pedras redondeadas e pulidas pola erosión do río. En millóns de anos alternáronse fortes choivas – erosión e transporte con épocas secas, sedimentación. Usáronse moito para construción (casas, rúas, prazas, etc)
Muíño. Tiveron moita importancia, para facer fariña e tamén producir enerxía. Algúns tiñan varios propietarios e utilizábano por quendas. En Ourense chamábanse Aceas. Construíanse dentro do río e tiñan forma de barco (proa-tallamar) para soportar mellor a corrente. As rodas eran de rotación (rodicio) vertical.
Potables. De fronte, na desembocadura do río Loña, pódese ver unha caseta de bombeo de auga do Miño que é conducida á ETAP para potabilizala antes de enviala ás casas. Na maior parte do ano cáptase do encoro de Castadón (río Loña) para este fin. Cada vez luxamos máis o río e cada vez requirirá a auga máis tratamento e iso é moi caro. Usar con prudencia a auga, non tirar cousas polo váter, nin ao chan, etc.
Parada. Lodoeiros (Celtis australis).
De onde credes que é?. Non é australis por ser de Australia senón por ser do sur de Europa. Propio do clima mediterráneo atópanse moi poucos de forma espontánea en Ourense e sur de Lugo. Vive cerca do río pero adáptase ben á seca e á calor do verán. O froito é como unha cereixa negra, aos paxaros gústalle e así axudan a propagalo (comestible, a que sabe? Para min, a uva pasa). A punta da folla é longa e fina, follas dentadas (con dentes nos bordes). Flores amareladas. Usábase a madeira para utensilios agrícolas, bo combustible e carbón de primeira calidade.
Se non se fixo o xogo e sobra tempo, faise como conclusión – Uns de costas para os outros, logo de escoitar uns enunciados relacionados co itinerario, perséguense segundo sexa verdadeiro ou falso. De cada vez coméntase a afirmación.

EXTERIOR DA AULA (40 minutos).
Realizarase un xogo (roda de animais) e/o unha parte dun itinerario.
Xogo (20 minutos). Cando quedaran no medio 5-7 persoas (o monitor e a ser posible o profesorado tamén xogan) o monitor va cara a un dos participantes e pregúntalle que animal ten e que características sabe del..
Itinerario (20 minutos).
Parada. Espigón; Embarcadoiro.
A presa de Velle. Construíuse en 1966 para producir enerxía. Retén a auga (comportas) e déixaa caer movendo unha turbina que mediante un xerador produce enerxía.
É necesaria a enerxía e este sistema é limpo pero hai que respectar o caudal mínimo para que poidan vivir os peixes e o resto dos seres vivos, ademais de facer pasos para que os peixes migratorios (salmón, anguía, lamprea) poidan subir para pór os ovos.
Ver se se ven:
Corvo mariño: Captura peixes mergullando e logo estende as súas ás ao sol para que sequen porque ten pouco desenvolvida a glándula que impermeabiliza as súas plumas. Pode comer ¾ de peixes ao día.
Lavandeira.
É insectívora e por iso está protexida. Camiña pola beira para conseguir insectos pequenos e vermes. Moven a cola de arriba para abaixo para comunicarse entre elas.
Patos (Lavanco real).
O macho é de cores vistosas para ligar e a femia é parda para non ser vista no niño. Comen sementes, herbas, insectos, pequenos anfibios e moluscos. Están todo o ano, no inverno veñen máis de Europa. Voan moi ben, poden percorrer 480 km nun só dia.
Gaivotas.
Comen os residuos. Antes co vertedoiro había moitas máis. Aquí temos a gaivota chorona, chamada así polo ruído que fan.
Parada. Chopos (álamos-populus). Chopo branco, chopo negro e chopo lamigueiro.
Necesitan ter as súas raíces preto da auga por iso se atopan nas ribeiras dos ríos. Protexen e fixan as ribeiras (coas raíces). É gorida, sombra e alimento de moitos animais como todas as árbores. A madeira é lixeira e de pouca calidade, utilizábase para embalaxe e pasta de papel. Niños – nalgúns países, en primavera e verán, prohiben talar as árbores para protexelos, moitos paxaros que emigran (polas temperaturas) regresan no ano seguinte na busca do mesmo niño.
O pecíolo (une a folla coa rama) é longo e flexible, a forma da folla é variable, esta é ovoide-romboidal ou triangular e remata en punta (acuminada) ademais o borde da folla é serrado. Fixarse no tronco.
No bosque de ribeira xeralmente se atopan os mesmos tipos de árbores segundo a proximidade do río. Son frecuentes os amieiros (aliso), bidueiros (abedul), salgueiros (sauces) máis preto do auga.

Lugar: Aula da Natureza do río Miño. Paseo fluvial de Oira s/n
Dirixido: Centros educativos
Grupos: 20 grupos, non superior a 25 persoas
Temporalización: Mes de marzo do 2011. A visita poderiase facer en outra epoca do ano, se aula non se apota ocupada
Horario: de 10:00 a 13:00
Duración: 100 MINUTOS
Achegas da Concelleria de Educacion: Transporte a centros educativos do Concello de Ourense.
Contacto: Luis Herminio Amigo Estrada, Coordinador da Aula da Natureza do río Miño
Telefono: 988510781 / 988388136
Correo electronico: aulanatureza@ourense.es